Тестирањето на руската хиперсонична ракета Циркон е при крај, а испораките за морнарицата ќе почнат во 2022 година, изјави рускиот претседател Владимир Путин.
Овој потег е дел од напорите Москва да оди напред во трката со САД и другите земји за поставување следни генерации оружје од долг домет, кое е потешко за откривање и пресретнување.
Русија минатиот месец соопшти дека за првпат успешно ја тестирала ракетата Циркон од подморница.
„Сега е особено важно да се развие и имплементира технологијата потребна за создавање нови хиперсонични системи на вооружување, ласери со голема моќност и роботски системи кои ќе бидат во состојба ефикасно да се спротивстават на потенцијални воени закани, што значи дека дополнително ќе ја засилат безбедноста на нашата земја“, рече Путин.
Тој соопшти дека во текот на тестирањето проектилот успешно погодил копнени и морски цели кога бил лансиран под вода или од брод.
