Само еден претседател, киргистанскиот колега Садир Јапаров, се согласи да му се придружи на рускиот претседател Владимир Путин на парадата за Денот на победата во Москва на 9 мај.
„Оваа година немаше посебни покани, не е значајна годишнина. Во пресрет (9 мај) оваа година, киргистанскиот претседател Јапаров ќе ја посети (Русија) и бидејќи тој ќе биде тука ден претходно, тој одлучи да остане и да ја споделиме нашата гордост на Денот на победата“, изјави портпаролот на Кремљ, Дмитриј Песков.
Песков, исто така, рече дека Путин „секако ќе одржи говор“ за време на парадата.
Откажани се бројни паради на Денот на победата во кои обично учествуваат воени возила, а парадата на Бесмртниот полк нема да се одржи. За време на парадата во 2022 година во Москва, авијацискиот дел од настанот беше откажан.
Странските медиуми објавија дека една од причините за откажувањето на воените паради е недостатокот на воени возила поради огромните загуби за време на агресијата врз Украина. Исто така, постои страв од можни украински напади.
Парадата на 9-ти мај е една од најголемите пропагандни настани во Русија секоја година каде Путин ја покажува својата „моќ“. Отсуството на странски државници укажува на дипломатската изолација во која се најде рускиот режим.
