Прототипот на сателитот стана еден од најсветлите објекти на ноќното небо, а наскоро може да му се придружат и десетици други.
Набљудувачката кампања што го следи сателитот BlueWalker 4, кој беше лансиран од компанијата AST SpaceMobile во септември 2022 година, откри дека тој е неколку пати посветол од речиси сите ѕвезди и планети кои можат да се видат од Земјата. Само грст ѕвезди и планети имаат посилен сјај.
Податоците објавени во списанието Nature ја нагласуваат зголемената загриженост кај астрономите, кои предупредија дека зголемувањето на сателитите во ниската орбита на Земјата може да го промени нашиот поглед на ноќното небо и да им смета на истражувањата.
Истражувачите од IAU Центарот за заштита на темното и тивко небо од пречки на сателити на соѕвездијата (ЦПС) при Меѓународната астрономска унија го набљудувале BlueWalker 3 во период од 130 дена. Неговата антена е само малку помала од 65 квадратни метри, што го прави досега најголемиот комерцијален сателит во орбитата на Земјата. Таа огромна антена ја рефлектира сончевата светлина, а откако се развила, светлината вртоглаво пораснала. Ефектот не е константен, но варира во зависност од факторите по патеката на положбата на сателитот во однос на Сонцето, како и од аголот на гледање. Тимот на ЦПС направи набљудувања од локации во Чиле, САД, Мексико, Нов Зеланд, Холандија и Мароко.
„Овие резултати покажуваат континуиран тренд кон поголеми, посветли комерцијални сателити, што е особено загрижувачко со оглед на плановите за лансирање многу повеќе во наредните години. Додека сателитите можат да играат улога во подобрувањето на комуникациите, императив е да се минимизира нивното мешање во научните набљудувања“, рече Зигфрид Егл, еден од авторите на студијата.
AST SpaceMobile планира да лансира флота од околу 100 сателити врз основа на дизајнот на BlueWalker 3.
SpaceX веќе има илјадници сателити во орбитата и е на удар поради потенцијалното влијание на ноќното небо. Оваа компанија веќе експериментираше со темни облоги за да ги намали рефлексиите, но успехот беше ограничен. За астрономите тоа не е доволно. Станиците кои го набљудуваат небото од земја мора да развијат стратегии за избегнување сателити за да ги „заобиколат“ вештачките соѕвездија.
Видливоста не е единствениот проблем. Комерцијалните сателити, вклучително и BlueWalker 3, ја преплавуваат ниската орбита и би можеле да ѝ сметаат на радиоастрономијата. Друга студија објавена претходно годинава покажа дека сателитите Starlink емитуваат „ненамерно електромагнетно зрачење“, што може да им пречи на набљудувањата со телескоп.