Со месеци растат тензиите меѓу Украина и Русија, откако Кремљ почна да собира војници во близина на украинската граница.
Светските медиуми објавија сателитски снимки на кои се гледаат руски трупи и опрема. Русија досега негира каква било можност за инвазија, но според тоа што може да се види од снимките се бројни трупи во базите кои ја опкружуваат северната, источната и јужната граница на Украина.
Од американската компанија Maxar Technologies наведоа дека во текот на овој и на изминатиот месец се забележале снимки со висока резолуција на кои се гледаат низа нови распоредувања на Крим, како и во неколку подрачја за обука во западна Русија, по периферијата на украинската граница.
На 35 километри од границата се наоѓа воен магацин во кој се сместени околу 20.000 руски војници. Наводно, во близина на границата на Украина се сместени околу 100.000 руски војници опремени со различно вооружување, тенкови и силни воздушни сили.
Според украинска проценка што ја пренесе CNN, се вели дека таму има околу 106.000 војници и 21.000 припадници на морнарицата и воздушните сили.
Неколку илјади војници се наоѓаат во Белорусија на заедничка воена вежба, а главниот град на Украина, Киев, е оддалечен само 150 километри.
Во поморските вежби на Русија учествуваат 140 бродови, 60 авиони и 10.000 луѓе.
