Несреќата се случила околу 10 часот утринава кога ловецот изведувал планиран тренажен лет без муниција.
Откако САД бараше помош од јавноста за да го пронајде урнатиот F-35 авион, сега и Русија загуби борбен авион, но без маки за да го најде. Нивниот Су-34 се урна среде нива.
Министерството за одбрана на Русија соопшти дека борбениот авион Су-34 се урнал за време на летот над регионот Воронеж.
„Екипажот на авионот, кој се состои од две лица, се катапултира и е евакуиран на матичниот аеродром. Нема опасност по нивното здравје“, соопшти Министерството.
Несреќата се случила околу 10:00 часот, а ловецот извршувал планиран тренажен лет без муниција. Авионот паднал далеку од населени места и не предизвикал оштетувања на земјата.
Според прелиминарната верзија, причина за несреќата е технички дефект. Борбениот бомбардер Су-34 беше во развој од средината на 80-тите, а стапи во употреба во 2014 година. Направени се 155 примероци од овој авион, а проценетата цена е околу 36 милиони долари по примерок.