Швајцарските бордели се надеваат дека наскоро ќе може да продолжат со работа, по олабавувањето на мерките за спречување на ширењето на коронавирусот, секако со почитување на одредени мерки за заштита.
Борделите смислија план како да се обноват услугите со максимална физичка дистанца, а најголем дел од тој план се секс позите и строгата хигиена.
Здружението на сексуални работници ProKoRe објави хигиенски водич во почетокот на месецов, надевајќи се дека швајцарската влада ќе го одобри нивното барање за враќање на работа од 8 јуни.
Иако е јасно дека проституцијата е некомпатибилна со поимот физичка дистанца, од ProKoRe направија сѐ за да најдат решение, па предложија секс пози во кои двете лица се „максимално оддалечени“, како doggy-style и cowgirl.
Исто така, се предлага „сесиите“ да траат најмногу 15 минути, а просториите да се проветруваат 15 минути меѓу две средби.
Целосната постелнина мора да се смени и да се испере со детергент за дезинфекција.
Според правилникот, забрането е секакво допирање на лицето и се препорачува носење маска за време на сесијата.
Здружението размислува и за информативни кампањи за клиентите со цел да се намали ризикот од зараза.