Сенатот на САД едногласно го потврди законот со кој на вработените во федералните служби им се забранува користењето на апликацијата TikTok на службените електронски уреди.
Апликацијата е во сопственост на ByteDance, а кинеската компанија има рок до 15 септември да ја продаде популарната апликација за размена на кратки видеа на Microsoft или да се соочи со целосна забрана во САД.
И додека во тек се преговорите меѓу Microsoft и ByteDance, Трамп отиде чекор подалеку, сака дел од зделката и за државата. Според кинеските закони од 2017 година, тамошните компании имаат обврска да поддржат и да соработуваат со извествувачките служби.
Минатиот месец беше гласано за забрана со која се исполнети условите законот да стапи на сила. Од TikTok претходно соопштија дека нивни најголем приоритет е да промовираат безбедна средина за чување на приватноста на корисниците.
Наведоа дека соработуваат со експерти од американското Министерство за внатрешна безбедност, за да ја сочуваат апликацијата од надворешно влијание и можно делење на лажни вести за претстојните претседателски избори.
