Tри натпревари се одиграа ноќеска во НБА лигата, а вниманието го привлече неочекуваниот пораз на Феникс Санс од Сан Антонио Спарс.
Санс натпреварот го загубија на шокантен начин, бидејќи на полувремето против аутсајдерите водеа со високи 63:45, а потоа следуваше несфатлив пад.
Еден од послабите тимови во лигата во продолжението од натпреварот го подигна нивото на игра и направи сензационален пресврт за победа од 115:114.
Клучните поени на 2 секунди пред крајот ги постигна Келдон Џонсон и им ја донесе победата на Спарс. Топката всушност ја имаа Санс, но Дурант беше опколен од тројца противнички играчи и ја загуби.
Босанскиот кошаркар Јусуф Нуркиќ водеше тешка битка со првиот пик на годинешниот драфт, 2,24 високиот француски тинејџер Виктор Вембанјама. Босанецот одигра многу добар натпревар и беше единствен кој забележа дабл-дабл. Нуркиќ имаше скор од 12 поени и 12 скока, а додаде и 4 асистенции, 2 блокади и 1 украдена топка.
Прво име за Санс на паркетот беше Кевин Дурент со 26 поени и 7 асистенции, додека споменатиот Џонсон ги предводеше Спарс до победата со 27 поени, 3 скока и 4 асистенции.
Вембанјама уфрли 18 поени, 8 скока и дури 4 блокади.
Резултати:
Кливленд Кавалирс - Њујорк Никс 91:109
Феникс Санс - Сан Антонио Спарс 114:115
Лос Анџелес Клиперс - Орландо Меџик 118:102
Табела:
