Маските и понатаму се најдобар начин да се заштитите себеси и другите од пренесување на коронавирусот, а во случај да се најдете во друштво на „сомнителна“ личност без маска, еве што треба да направите.
Познато е дека новиот коронавирус предизвикува респираторна инфекција и иако во последно време се спомнува и пренос на заразата преку воздух, сепак најсигурен начин да се инфицирате е ако некој во ваша близина кивне или кашла и така ги префрли капките со вирус на вас.
Фредерик Шерман, професор на Медицинскиот факултет Моунт Синај за The Atlantic откри многу корисен совет кој ќе помогне во сузбивањето на ширење на вирусот во вакви ситуации.
Според професорот, ако се најдете во ваква слична ризична ситуација, да бидете во друштво на личност која кашла или кива, а не знаете дали има вирус, е најдобро да го направите следното.
„Веднаш издишете за да избегнете вдишување на капки или аеросоли. Стегнете ги усните за издишувањето да трае подолго. Свртете ја главата во целост од личноста и оддалечете се“.
