Додека ширум светот палачинките познати како pancakes се мали, тркалезни и подебели, палачинките кои се прават кај нас - во поголема тава и многу тенки - се всушност оние crêpes.
Потекнуваат од 13 век од Бретања, денес регион во северозападниот дел на Франција каде живее народот Бретонци кој зборува келтски јазик. Ги правеле кружни како симбол на сонцето или монетите, односно топлина, богатство и среќа. Потоа се прошириле во Франција и Белгија.
Можете да ги јадете со разни намази и додатоци, но прво подгответе ги користејќи ги советите што ги донесуваме подолу.
За вкусни, меки и сочни палачинки, потребен ви е добар рецепт, односно додавање на некои тајни состојки на веќе класичниот рецепт - брашно, јајца, шеќер, арома на ванила и млеко.
За секој пат да излегуваат совршено, во смесата треба да се додаде малку прашок за пециво.
Потребни остојки за совршено тесто за палачинки:
- 1 шолја млеко
- 2 јајца
- 2 лажици растително масло
- 2 чаши брашно
- 2 лажици шеќер
- 3 лажички прашок за пециво
- ¼ лажица сол
Покрај тоа, добро би било во една шолја млеко да додадете и една шолја минерална вода. Можеби звучи малку необично, но колку повеќе млеко внесувате, палачинките ќе излезат поцврсти, а минералната вода ќе помогне тоа да не се случи и да бидат пенести по текстура.
Измешајте ги сите наведени течни состојки, па додајте ги сувите. Изматете со рака или со миксер и оставете ја смесата да отстои малку - тоа е уште еден трик за повкусни палачинки.
Нема да ви кажеме дека ги печете со класичен метод, бидејќи, судејќи по видео објавите низ интернетот и коментарите на луѓето, палачинките ќе испаднат подобро ако ја превртите тавата наопаку.
На видеото на YouTube се гледа дека тавата прво се загрева, но од другата страна. Внатрешноста на тавата всушност е свртена кон ринглата, додека смесата за палачинки се истура на дното од тавата која претходно била подмачкана со масло за да не се залепат палачинките. Интересно.
