Експертите наведуваат три компоненти за кои строго мора да водите сметка за имунолошкиот систем биде стабилен, но и способен да даде отпор на вирусите.
Трите компоненти се: квалитетен сон, физичка активност и избегнување стресни ситуации. Се разбира дека тука е и квалитетната исхрана, но според експертите, таа е бескорисна ако овие три компоненти не се под контрола.
„Спиењето во континуитет во траење од 7 часа во текот на ноќта ќе гарантира подобар имунитет. Истражувањата покажале дека луѓето кои спиеле по 6 часа во текот на ноќта имале четири пати поголеми шанси да настинат кога биле изложени на вируси, за разлика од оние кои спиеле повеќе од 7 часа“, открива д-р Џон Вери, директор на Институтот за имунологија на Универзитетот во Пенсилванија.
„Сè што правите додека сте будни – јадете, работите, пешачете, вежбате – го поттикнува вашето тело да ослободува инфламаторни клетки. Спиењето му дава одмор на телото од сето тоа“, истакнува имунологот Рита Качру.
„Освен спиењето, многу важен фактор е и стресот кој кога е зголемен доаѓа до ослободување на кортизол во телото. Кога нивото на кортизол е високо, имунолошкиот систем не е толку активен“, вели д-р Даниел М. Дејвис, професор по имунологија на Универзитетот во Манчестер.
„Луѓето кои редовно вежбаат развиваат повеќе Т-клетки од нивните мрзливи врсници“, вели д-р Вери.
За подобар имунитет исто така важно е и честото изложување на светлина, сонце и чист воздух, внесување храна богата со магнезиум и престој во проветрени простории.
