Бил Гејтс неодамна коментираше што мисли за милијардерите кои вложуваат во вселенската технологија.
На сите ни е познато натпреварувањето меѓу Џеф Безос и Илон Маск за освојување на вселената. Двајцата најбогати луѓе во светот се натпреваруваат кој прв ќе одлета во вселената и кој ќе добие проекти на НАСА, и во тоа се прилично успешни. Компанијата спејсикс на Маск ниже успеси, а Безос успеа пред Маск да одлета во вселената, но не стана астронаут.
Сепак, сите не се одушевени околу нивната „битка“ за освојување на вселената. Посебно остар во настапот беше првиот човек на ОН, Антониот Гутереш кој изјави додека милијардерите трошат пари за патувања во вселената, на Земјата милиони гладуваат.
Со такви, но малку поумерени критики се огласи и Бил Гејтс, еден од најбогатите луѓе во светот.
Во текот на гостување во емисијата на Џејмс Корден, водителот му се „заблагодари“ што е еден од милијардерите кои моментално не се обидуваат да побегнат од планетава во вселенски брод.
Гејтс на тоа му одговори дека повеќе го интересира како да се ослободиме од маларија и ХИВ.
На прашањето што мисли за милијардерите кои трошат пари за вселенски патувања, тој одговори:
„Вселената? Имаме многу повеќе работа овде на Земјата“.
Од друга страна, ако Гејтс смета дека милијардерите треба да ги решаваат проблемите на планетата на коа живееме, милијардерите како Безос и Маск не го исклучуваат едното од другото. Односно, вложуваат во развојот на вселенската технологија, но и учествуваат во решавање на проблемите на Земјата.
„Имаме многу проблеми сега и овде на Земјата и мора да работиме на нив, но мора да гледаме и во иднината, секогаш сме го правеле тоа како вид и цивилизација“, изјави претходно Безос.
Слично како него размислува и Маск, кој вели дека 99% од економијата треба да ја насочиме кон решавање на проблеми на земјата, а тој еден процент или помалку треба да го искористиме за вселенски истражувања.