По заедничките појавувања на принцовите Вилијам и Хари со нивните сопруги, во јавноста се покрена полемика околу нивниот затегнат однос. Експерт за говор на телото го анализираше однесувањето на кралската четворка и ги сподели сознанијата.
Катја Лоисел, експерт за говор на тело и врски, го анализираше појавувањето на двете брачни двојки истакнувајќи дека Вилијам и Кејт изгледале вознемирено, но се држеле до професионалност во текот на процесијата во Вестминстер Хол. За Хари и Меган вели дека со желбата за блискост постојано „ја кршеле формалноста“.
Катја истакнува дека наведнатата глава, насобраните веѓи, напнатоста во пределот на вратот и цврсто стиснатите усни на Вилијам и на Кејт укажуваат дека едвај се обидуваат да не заплачат.
Одредени фотографии прикажуваат дека Кејт и Вилијам изгледаат скоро сосем дистанцирано, додека Хари и Меган не се одвоија еден од друг, истакнувајќи ги така разликите меѓу двата парра.
Војводата и војвотката од Сасекс ја искажале својата „желба за поврзаност и близина“, но и чувството на сигурност.
„Принцот Хари и Меган користеа и контактни знаци на блискост, како држење за раце, но и оние без контакт. На пример, нивните тела беа „отворени“ еден кон друг, а разменуваа и меѓусебни погледи искажувајќи на тој начин меѓусебна поддршка“, вели Катја.
Од друга страна, Вилијам и Кејт беа „одраз на нивните улоги и сериозноста на приликата“.
„Видно натажени и изгубени во сопствените мисли, принцот Вилијам и принцезата Кејт држеа дистанца, во склад со формалноста и сериозноста на настаните, но и со самата позиција на принцот Вилијам како престолонаследник“, објасни таа.
Смета дека Вилијам и Кејт се обиделе да ја „замаскираат својата болка“ со неутрални изрази на лицата поголем дел од церемонијата, додека во јавноста испадна дека „едвај се држеле заедно“, што предизвика критики.
Катја се осврна и на „острите погледи“ кои Кејт ги упати кон Меган. На социјалните мрежи се прошири снимка од напната ситуација, а многумина нагаѓаат какво скриено значење се крие зад неа.
„За разлика од самоуверената Меган каква што ја познаваме, сега делуваше како да се чувствува непријатно, што не е чудно со оглед на околностите и критиките со кои се соочи во последно време“, смета Катја.
Се забележуваат знаци дека принцот Вилијам се труди околу Меган, но постапките на Кејт се спротивни.
„Во повеќе прилики Меган погледна кон Кејт, но тоа не беше возвратено“, вели Катја.
Таквите моменти се чини дека направија Меган да се чувствува несигурно, што може да се види и од начинот на кој ја наведна главата, зачекори на страна и се сврти од Кејт.
Напнатоста меѓу кралската четворка ја забележа и коментира експертката за говор на тело и комуникациски вештини Џуди Џејмс.
Таа истакна дека меѓу двата пара нема „знаци на приврзаност“.
