Веќе сте доволно возрасни за да знаете дека желбата за секс некогаш е посилна, некогаш е помала, а сето тоа е нормален дел од животот. Да, сексуалната желба се менува со текот на годините, а 30-тите години носат и други промени.
1. Немате потреба никому да се докажувате
Нема повеќе стрес за врвен перформанс во кревет. Причината за тоа може да биде што вашиот сексуален живот сега е поврзан со една личност или досега сте имале повеќе сексуални партнери, па имате поголема самодоверба.
Притисокот што постоел во 20-тите години е намален или целосно исчезнат.
2. Задоволни сте само со еден партнер
Статистички гледано, повеќето луѓе кон крајот на 20-тите години веќе се во долга врска или брак, а во 30-тите во стабилна врска. Желбата за пробување нови работи се сведува на нови пози со партнерот, а не на луди забави кои завршуваат со секс за една вечер.
3. Откривате нови работи
Со текот на годините и поголемото искуство зад вас, доаѓа време за истражување на самите себе, на сопствените интереси и желби. Работата на себе е за секого различна, некои сакаат да пробаат нови пози или места, некои се одлучуваат на унапредување на сексуалните вештини или слично.
4. Подобро комуницирате со партнерот
За споделување на сексуалните фантазии со партнерот е потребно доверба и љубов, а во 30-тите години луѓето веќе знаат што им се допаѓа, а што не.
5. Си го познавате сопственото тело
Со текот на годините сте сфатиле како е најдобро да доживеете оргазам и која поза ви е најдобра за тоа, што е многу важно во ситуации кога немате доволно време и сакате секс на брзина, пред да се разбудат децата на пример.
6. Поважен е квалитетот од квантитетот
Сексот во 30-тите е фантастичен, без разлика дали сте сами или во врска. Повеќето луѓе на оваа возраст обрнуваат внимание на квалитетот. Со оглед на тоа што е време за основање семејство, градење кариера и хаотичен животен период, повеќето бираат квалитетен секс еднаш неделно, отколку трипати на брзина.
