Пристигна сезоната на портокали. Освен што се вкусно овошје, тие имаат и бројни здравствени придобивки.
Портокалите ни помагаат да останеме хидратирани и богати се со витамин Ц, неопходен за силен имунолошки систем. Меѓутоа, ако изедете премногу, може да имате некои несакани ефекти.
100 грама портокал содржи 47 грама калории, 87 грама вода, 0,9 грама протеини, 11,8 грама јаглехидрати, 9,4 грама шеќер, 2,4 грама влакна и 76 отсто од дневната вредност на витамин Ц. Исклучително е богат со хранливи материи, но тие треба да се консумираат умерено.
Негативни последици од прекумерно јадење портокали
Четири до пет портокали дневно може да доведат до прекумерна количина на влакна, што предизвикува стомачни тегоби, грчеви, дијареа, надуеност и гадење. Ако внесувате премногу витамин Ц, може да имате проблеми со киселини, повраќање и несоница.
Прекумерното количество на витамин Ц, според некои студии, влијае и на поголемата можност за мозочен удар.
Која е препорачаната количина на дневно ниво?
Киселоста на портокалите може да доведе до иритација на желудникот, особено кај луѓето кои страдаат од рефлукс. Во некои случаи, можна е појава на повраќање и пождригнување. На луѓето со високо ниво на калиум им се препорачува да се консултираат со лекар пред да консумираат портокали. Портокалите имаат ниско ниво на калиум, но ако телото веќе има премногу калиум, може да има состојба на покачен калиум во крвта наречена хиперкалемија.
Се препорачува да се јадат 1-2 портокали дневно.