Учебникот по географија за српските средни училишта од 1871 година го напишал познатиот научник и географ проф. Јован Драгашевиќ, а од него учеле српските деца во училиштата. Кога политиката на Србија кон Македонија се променила, српските деца престанале да го учат она што Драгашевиќ го напишал.
Го цитираме учебникот од 1871 година, објавен од Македонски документи у Србији:
„Во Словени (на Балканот, заб. на прев.) ги броиме: Србите, Хрватите, Македонците, Бугарите и Русите (се мисли на Русите во Бугарија, заб. на прев.).
Срби има околу 3.620.000
Хрвати 500.000
Македонци 1.300.000 (се мисли во цела Македонија: Вардарска, Егејска, Пиринска, заб. на прев.)
Бугари 3.220.000
останати 40.000
Вкупно Словени 8.580.000
Македонците се најстарите Словени во ова илирско трополе, а можеби и во Европа, а низ нив поминале и владееле сите народи, кои во текот на долго време, или рамо до рамо или еден зад друг, живееле во овие земји. Тие денес го заземаат речиси целиот брег на Белото Море, а на исток се мешаат со Бугарите во Тракија, на запад со Арбанасите (се мисли на Албанците, заб. на прев.) во Епир, а на север Шар Планина ги граничи со Србите. И покрај тоа што во нивните обичаи и во нивниот јазик јазик се среќаваат траги од сите овие народи, кои овде и тогаш владееле со нив (особено Бугарите и Србите), сепак денес се карактеризираат независно, и стојат на средина меѓу Бугарите и Србите.
Бугарите се исто толку дојденци на овој полуостров (според домородните Македонци), колку и Србите, а денес ја окупираат целата источна страна на ова триполе“.
Откако српската политика кон Македонија се променила во прапагандна машинерија дека Македонците се Срби, а Македонија е Стара или Јужна Србија, овој учебник бил исфрлен од сите училишта. Но, останува како потсетник на едно време кога српските професори имале поинаков поглед кон Македонците.