Една 67-годишна Американка потрошила стотици часови украсувајќи ја целата своја куќа за сега да личи како од некоја новогодишна бајка.
Рачно изработените декорации вклучуваат бонбони, џиновски гуми за џвакање, вител од пеперминт, големи чоколадни колачиња и наполитанки, како и огромен човек медењак.
Вирџинија Хофман е всушност дизајнер на ентериер од Солт Лејк Сити во американската сојузна држава Јута. Вели дека при украсувањето ѝ помагале сопругот (кој е уметник), нејзината ќерка, и нивните деца.
„Живеам во маало каде повеќето куќи се изградени во 1920-тите години и архитектурата има многу шармантни карактеристики. Ги гледав куќите и замислував како би изгледале како медењаци со нивните различни кровови и прозорци. Тогаш почнав да размислувам како можам да ја декорирам мојата куќа претворајќи ја во медењак“, вели таа.
„Нацртав мал план според она што ми беше во главата, а потоа размислував како да го остварам тоа. Беше потребен многу труд, но кога се гледа како изгледа готова чувството е исполнително. Беше потребна имагинација, досетливост и инженерство, но и малку среќа, а без помошта од мојата фамилија немаше да успеам. Минаа многу часови помагајќи ми“.
На куќата најмногу ѝ се радуваат нејзините внучиња, но и децата од маалото кои секојдневно минуваат покрај неа.