Силен земјотрес утрово ја погоди провинцијата Малатија во Турција, која веќе беше разурната при силните потреси во февруари.
Иако првично беше соопштено дека земјотресот бил со јачина од 5 степени според Рихтеровата скала, ЕМСЦ наведува дека е регистриран со јачина од 4,7 степени.
Според првите информации, епицентарот бил во близина на Малатија, која беше разурната од силните земјотреси кои се случија во февруари. Земјотресот е регистриран на длабочина од 7 километри.
Сѐ уште нема информации за причинети штети.
Малатија е една од 11-те турски провинции кои на 6 февруари беа погодени од два земјотреса со јачина од 7,8 и 7,7 степени според Рихтер. Околу 14 милиони луѓе во Турција беа погодени од тие земјотреси, како и многу други во Северна Сирија.
