Симоне Инѕаги, кој седи на клупата од јуни 2021 година, го продолжи договорот како тренер на Интер за една година, до 2025 година, објавија денеска челниците на водечкиот тим во Калчото.
„Интер со задоволство го објавува продолжувањето на договорот на својот тренер Симон Инѕаги, кој сега е поврзан со клубот до 2025 година“, стои во краткото соопштение на Интер.
Инѕаги (47) минатата сезона го предводеше клубот од Милано до финалето на Лигата на шампионите каде неговиот тим загуби од Манчестер Сити со минимални 1:0.
Под негово водство, Интер ги освои последните две изданија од Копа Италија (2022, 2023) и Суперкупот (2012, 2022). Пред Интер, поранешниот играч и помлад брат на голгетерот Филипо Инѕаги го водеше Лацио од 2016 до 2021 година.
Интер е лидер во италијанското првенство со 9 бода по првите три кола, изедначен по бодови со вечниот ривал Милан. Двата ривала ќе се сретнат на 16 септември кога ќе продолжи Серија А по репрезентативната пауза, што ќе биде и прв натпревар на Инѕаги по продолжувањето на договорот.