Загрепски Динамо во кадетскиот тим го додаде латвискиот фудбалер Матис Силињш (17). Станува збор за стандарден латвиски репрезентативец до 17 години, кој потпиша договор во петокот. Новиот играч на Динамо е син на актуелната латвиска премиерка Евика Силиња, која дојде на власт во таа земја пред една година.
„Голема благодарност до сите во Мета за прекрасните 11 години поминати заедно, не можев да се замислам на друго место. Во овој клуб пораснав како фудбалер и како личност, благодарен сум на сите за тоа. Овде тренирав под водство на многу тренери, им благодарам на сите за соработката, за сѐ што ме научија
Ми е дадена голема можност да напредувам во Динамо, сигурен сум дека во новиот клуб ќе ги остварам моите одамна поставени цели. Им благодарам на моите соиграчи, тренери и луѓето од клубот за времето што го поминавме заедно на теренот и надвор од него“, изјави Силињш по заминувањето од латвискиот клуб Мета, кој минатата 2023 сезона ја заврши претпоследен во Вирслигата и победи во баражот за испаѓање.
