Професорот Џејмс Фаус од Универзитетот Чарлс во Прага истражуваше дали сите женски оргазми се исти.
Направи истражување меѓу волонтерки кои се согласија да си „поиграат“ малку со посебен вибратор дома, и тоа во траење од неколку дена. Вибраторот Lioness бил програмиран за мерење на силата на нивните контракции на дното на карлицата со помош на два сензори кои истражувачите ги анализирале на далечина.
Забележале како изгледа оргазмот кај секоја од учесничките, па ги поделиле во категории и дошле до заклучок дека постојат три вида оргазам.
„Жените најчесто доживуваат брановиден оргазам, односно последователни контракции на напнатост и опуштање. Скоро половина од испитаниците вака свршиле“, објаснува професорот.
Вториот најчест вид оргазам е лавина. Жените кои го доживеале откриле дека чувствувале поголема напнатост во дното на карлицата која се смалувала како што оргазмот почнувал.
„Најмалку веројатен исход, според ова истражување, е оргазмот што наликува на вулкан. Тоа значи дека жените доживуваат пониска напнатост на дното на карлицата која како да експлодира по оргазмот“, објасни професорот и додаде дека се вршат понатамошни истражувања на оваа тема.
Истражувањето за оргазмите на жените се врши со вибраторот Lioness за да се дознае нивото на уживање, како и тоа од каде доаѓа стимулацијата што ги предизвикува оргазмите.