Организаторите на Парадата на гордоста во Скопје го најавија одржувањето на годинашниот настан на 25 јуни, под мотото „Излези за љубов“.
Скопје Прајд 2022 ќе почне со пристигнување на учесниците од 17 до 19 часот во паркот „Жена-борец“ (спроти Собрание на РСМ).
По кратки обраќања на активисти и претставници на институции, следува марш по скопските улици пропратен со DJ сетови, од 19 до 20 часот.
Скопје Прајд 2022 ќе понуди богата културно-забавна програма, со музички настапи во живо, настапи на дрег кралици од земјата и од регионот и DJ сетови.
Програмата на Стадионот на АРМ во Градски парк ќе почне во 20:30 и ќе трае до 1 часот по полноќ, а водителка на програмата ќе биде актерката Наталија Теодосиева.
За повеќе информации, проверете ја програмата на ОВОЈ ЛИНК.
