Можеби мислите дека црвенилото околу очите не е ништо за што треба да се грижите, но тоа би можело да биде скриен знак за дијабетес тип 2.
До моментот кога состојбата ќе влијае на вашиот вид, дијабетесот можеби веќе е напреднат.
„Тестовите на очите се за проверка на видот, но тие исто така играат витална улога во проверката на потенцијално сериозни медицински состојби како што е дијабетесот“, вели оптичарот Кајла Блек.
Зборувајќи по повод Неделата за подигање на свеста за дијабетес, таа наведе пет симптоми на кои треба да внимавате. Тоа се постепено влошување на видот, нагло губење на видот, заматен вид, болка и црвенило околу окото.
„Проблемите со очите се предизвикани од дијабетична ретинопатија, компликација на самата состојба. Без третман, може да дојде до слепило. Но, може да поминат години за да се достигне оваа фаза. Состојбата е предизвикана од високиот шеќер во крвта, кој ги оштетува крвните садови кои го хранат задниот дел на окото, мрежницата. Можеби немате очигледни симптоми додека состојбата не стигне до напредна фаза. Овие симптоми не мора да значат дека имате дијабетес, но важно е да се проверите“, предупреди таа.
