Објавени се снимки од надзорните камери кои го покажуваат моментот кога две жени бегаат од напад на кибуц во Јахини во саботата.
На видеото се гледа како жените биле фатени во вкрстен оган и се сокриле зад автомобил, пишува BBC. По борбата меѓу милитантите на Хамас и израелската војска, исплашените жени побегнале на безбедно. Им помогнале израелските сили.
Бројот на загинати во Израел по нападите во саботата достигна 1.300. Повеќе од 1.300 луѓе загинаа во израелските воздушни напади врз Газа.
Јахини е мала населба со околу 700 жители во близината на Здерот. Формирана е во 1950 година од страна на Евреи од Јемен за време на операцијата Магичен килим со која околу 47 илјади јеменски евреи беа донесени во новата држава Израел. Населбата е создадена врз палестинското село Ал-Мухарака иселено од 1948 година.
