На Палома Лопес ѝ ги ампутирале рацете и нозете кога имала само две години и тоа поради болест. Тоа не ја спречи денес нејзините туторијали за шминкање да бидат гледани на интернет.
„Растејќи без екстремитети беше тешко, но сега сум среќна. Студирам, вежбам, пливам, сурфам, се шминкам и правам туторијали, кои се покажаа како голем успех“, вели таа.
За време на карантинот поради пандемијата со коронавирусот во Аргентина, решила дневно да објавува видеа на Instagram со совети за шминкање. Денес таа има 5 илјади следбеници на оваа социјална мрежа.
„Еден ден пробав да аплоадирам видео од мојот туторијал за шминкање кој потоа имаше добар импакт. Па, решив да продолжам. Сега сакам да ги охрабрам останатите да го направат она за кое не се осмелуваат“, изјавува Палома.
