Свет

Со порастот на температурите во океаните снемува кислород

9. декември 2019 - 11:18 | МИА

Климатските промени и загадувањето го истиснуваат кислородот од океаните, заканувајќи се за опстанокот на многу видови риби, тврдат експерти од Меѓународната унија за заштита на природата (IUCN).

Истражувачите велат дека климатските промени ја влошуваат состојбата со недостиг на кислород.

Споредено со 1960-тите, кога недостатокoт на кислород бил забележан на 45 локации во океанот, денес истиот проблем е забележан на дури 700 места.

Експертите велат дека таа состојба е особено штетна за одредени видови риби, како што се туната, ајкулата и еден вид на сабјарка.

Балтичкото Море и Црното Море се најголемите затворени морски екосистеми со мала содржина на кислород, се вели во извештајот на IUCN.

Доколку земјите продолжат со вообичаениот пристап кон емисиите на штетни гасови, светските океани би можеле да останат со три до четири проценти помалку кислород до 2100 година. 

Коментирај