Популарната апликација за следење на фитнес активности Strava, направи уште еден чекор кон тоа да стане друштвена мрежа.
Корисниците на Strava и претходно можеа да се следат меѓусебно и да си “лајкнуваат”, но отсега може да си праќаат и приватни пораки еден на еден или во групни конверзации.
Може да си праќаат и прецизни рути или активности со другите корисници, што овозможува координирање на трчањето на заедниците во апликацијата.
Strava има повеќе од 100 милиони корисници. Целта на Strava е да стане и повеќе од алатка за следење на фитнес активности, односно да стане поективна платформа за оние кои се фокусирани на фитнес да се сретнат и во вистинскиот живот.
Неодамна Strava интегрираше и стримање на музика директно во својата платформа и ги направи бесплатни некои од претходно премиум функциите.