Тренерот на Манчестер Јунајтед, Ерик тен Хаг, ја отфрли можноста Кристијано Роналдо да го напушти клубот.
Фудбалерите на Манчестер Јунајтед отпатуваа во Тајланд на подготовки во пресрет на стартот на новата сезона, а со нив не отиде Кристијано Роналдо и веднаш почнаа гласините дека е на излезна врата.
Сепак, Тен Хаг ги отфрли тие гласини и изјави дека смета на Португалецот.
„Роналдо не е на продажба, сметаме на него оваа сезона. Тој во моментов не е со нас поради семејни причини. Зборував со него и не ми кажал дека сака да замине, само го прочитав тоа на интернет. И јас, и тој сакаме да постигнеме успех заедно“, рече Тен Хаг.