Силна експлозија се слушнала денеска во срцето на главниот град на Турција, Анкара, јавуваат турските медиуми. Некои извештаи велат дека експлозијата била проследена со истрели од огнено оружје.
Засега не е позната причината за експлозијата во реонот во близина на парламентот и Министерството за внатрешни работи. Засега нема информации за евентуални жртви.
Парламентот повторно треба да биде отворен денеска по летниот одмор. Безбедносните сили поставија бариери во областа.
На телевизиските снимки се гледаат одреди за бомби кои работат во близина на паркирано возило во областа.
„Околу 9:30 часот (по локално време, заб. на прев.), двајца терористи кои со лесно комерцијално возило дошле пред влезната капија на Главната управа за безбедност на МВР, извршиле бомбашки напад. Еден од терористите се разнел, а другиот терорист беше неутрализиран. За време на експлозијата двајца наши полицајци беа полесно повредени. Посакувам брзо закрепнување на нашите херои“, изјави турскиот министер за внатрешни работи, Али Јерликаја.
