Електричниот Cyberquad на Tesla, направен по моделот Cybertruck, се продаваше за 1.900 долари.
Детскиот електроцикл се распродаде многу брзо, па сега може да се набави исклучиво од препродавачи. Цените се високи и на огласите се движат до неверојатни 17.000 долари, а повеќето се нудат по околу 6.000 долари.
АТВ е дизајниран за деца над осум години, има челична рамка, седиште со перница, прилагодлива суспензија и задни диск сопирачки.
Опремен е со LED осветлување и има три поставки за брзина, 8 и 16 км/ч напред, како и 8 км/ч назад.
Електричниот мотор се напојува со отстранлива литиум-јонска батерија од 36 V, која обезбедува автономија до 24 км.
Тоа е прилично голем радиус на движење за една детска играчка, а Tesla наведува дека батеријата може целосно да се наполни во рок од пет часа на домашен штекер.