Како се вози во кружен тек? Кој има првенство на минување во кружен тек? Што ако влезниот пат има една лента, кружниот тек има три ленти, а излезниот пат има две ленти?
Дали оној во внатрешната лента на кружниот тек има предност пред оној од средната или надворешната лента на кружниот тек, има ли право да го „пресече“ и да излезе каде што сака? И дали се дава трепкач на кружен тек и зошто? Повеќето возачи тоа не го прават.
Дали го сигнализирате правецот на движење во кружниот тек?
При влегувањето во кружниот тек, важно е да се внимава и на тоа дека вие немате првенство на минување, туку автомобилите во кружниот тек, кои доаѓаат од левата страна. Секој што доаѓа од левата страна има првенство на минување, но штом ќе се најдете внатре во кружниот тек, тогаш имате првенство на минување.
Една од работите што ги збунуваат возачите и во која често грешат и оние што се двоумат да влезат во кружен тек, е кога треба да се вклучи светлосниот сигнал, односно трепкачот.
При влегување во кружниот тек се вклучува левиот трепкач, а пред излегување задолжително да ги известите другите учесници во сообраќајот за вашата намера со вклучување на десниот трепкач.
Малкумина знаат и дека на македонски јазик кружен тек се вика и раскружница.