Калчолигашот од Бергамо ја започна последната фаза од реновирањето на стадионот „Гевис“ со рушење на јужната трибина, популарната Курва Суд.
Стадионот познат како „Комунале“ беше откупен од страна на клубот во мај 2017 година за 8,6 милиони евра и веднаш се започна со реновирање за новиот стадион да ги задоволува критериумите на УЕФА за играње меѓународни натпревари. Две години подоцна, откако беше склучен договор со компанијата за електроника Gewiss, стадионот беше преименуван и така ќе се вика барем до 2025 година, до кога е договорот.
Прво беше реновирана северната трибина, Курва Норд „Федерико Пизани“, сега со капацитет од 9 илјади седишта. Во 2020 година се почна со реновирање на двете големи трибини, по што УЕФА веќе ѝ дозволи на Аталанта да игра и натпревари од Лигата на шампионите на овој стадион.
Остана уште трибината Курва Суд, која според предвиденото требаше да биде готова во 2021 година, но работите се пролонгираа, па демолирањето почна дури сега. Трибината ќе го има истиот лик како и новата Курва Норд, а по завршувањето на градежните работи вкупниот капацитет на стадионот „Гевис“ ќе биде 25 илјади.
Се очекува трибината да биде завршена наредното лето, а во меѓувреме Аталанта ќе може да игра натпревари на стадионот.
Вака изгледаше демолирањето на Курева Суд трибината: