Изминативе денови на интернет се рашири веста дека Џенифер Анистон е во процес на посвојување дете од сиропиталиште во Мексико. Нејзиниот гласноговорник ја демантираше веста, велејќи дека е лажна.
„Таа приказна е измислена“, изјави за E! News.
Актерката претходно во неколку наврати демантираше гласини за наводна бременост и посвојување дете, а во 2016 година изјави дека ѝ е доста од такви лажни вести и упорни прашања дали ќе се оствари како мајка или не.
„Не сум бремена, но заситена сум од вакви прашања. Настаните во изминатиот месец ме натераа да сфатам дека всушност жената се вреднува по тоа дали е мажена или дали е мајка. Целосни сме и со и без партнер, со или без дете. Самите одлучуваме што е убаво кога се во прашање нашите тела“, изјави во таа прилика Анистон.
За потсетување, неколку светски таблоиди објавија дека наводно актерката споделила среќна вест на снимањето на специјална епизода од популарната серија „Friends“, според која таа ќе посвои девојче од сиропиталиште во Мексико.
