Јулија Навални, сопругата на рускиот опозициски лидер и отворен критичар на Кремљ, Алексеј Навални, даде интервју и позираше за мартовскиот број на руското издание на списанието Harper's Bazaar.
Јулија се појавува на страниците на мартовското издание на познатото списание, во делот наречен Хероини, а дел од разговорот со неа е објавен на веб-страницата на Harper's Bazaar.
Одлуката на 44-годишната Русинка да се појави на страниците на престижно модно списание во неколку елегантни пози предизвика бура коментари во руските медиуми, кои нејзиниот храбар потег го опишаа како „сензација“.
„Тој не се предава, нема ни јас“, вели таа во интервјуто во кое најмногу зборува за нејзиниот сопруг.
„Му се восхитувам не само затоа што ми е сопруг, туку и затоа што го поддржувам во она што го прави, затоа што јас сум личноста која најдобро знае колку го чинеа во животот сите овие години“, изјави Јулија, која понекогаш ја нарекуваат „првата дама“ на рускиот отпор.
Откако преживе труење со нервен отров и се лекуваше во Германија, Алексеј Навални се врати во Русија кон средината на јануари, каде што веднаш беше уапсен. Тој беше осуден на неколку години затвор по обвинение за кршење на условната казна што ја доби за проневера од 2014 година.
Според Harper's Bazaar, Јулија го дала интервјуто во јануари, додека парот сè уште бил во Германија, а фотосесијата е направена во студио недалеку од Штутгарт.