Во оваа 2020 година, концептот за најдобар град за живеење е променет. Веќе не се земаат предвид само забавата и културата, чистиот воздух и високата плата. Годинава, пред сѐ, најбитно беше – здравјето.
Списанието Global Finance's традиционално ја состави годишната листа најдобри градови за живеење во светот, врз основа на вообичаените параметри, но сега се зема предвид и бројот починати од COVID-19 на милион жители, што се оценува со коефициент 3 заради приоритетност.
Податоците се обезбедени од Универзитетот Џон Хопкинс.
Во таа смисла, Токио е на прво место, а европските Милано, Мадрид и Барселона се најдоа по 35. место. Скоро од првиот миг, кога вирусот излезе од границите на Кина, Јапонија ги затвори своите граници и објави дека ги одложува Олимписките игри, успевајќи истовремено и доста ефикасно да ги заштити своите граѓани, колку е тоа можно.
Следува списокот најдобри градови за живеење во 2020 година:
1. Токио, Јапонија
2. Лондон, Велика Британија
3. Сингапур
4. Њујорк, САД
5. Мелбурн, Австралија
6. Франкфурт, Германија
7. Париз, Франција
8. Сеул, Јужна Кореја
9. Берлин, Германија
10. Сиднеј, Австралија.
