И покрај сè, претходната година беше успешна за произведувачите на електрични автомобили.
Иако во 2020 година скоро сите произведувачи на автомобили забележаа пад на испораките, продажбата на електричните автомобили порасна.
Ширум светот се продадени 2.141.311 автомобили кои за погон користат исклучиво електрични мотори.
Најмногу автомобили на струја во 2020 година продаде компанијата Tesla, 499.535 примероци.
По Tesla следува SAIC кој во минатата година испорача вкупно 243.201 автомобил со електричен погон.
На третото место е Volkswagen групацијата(227.394), четврта е Renault-Nissan-Mitsubishi алијансата(171.673), а на петтото место е уште еден кинески произведувач BYD(131.705).
