Американскиот претседател Доналд Трамп го победи новоизбраниот претседател Џо Бајден на Алјаска, пренесува Reuters.
Републиканецот Трамп сè уште не признал пораз на претседателските избори четири дена откако Edison Research соопшти дека Бајден ги надминал 270-те гласови од Изборниот колеџ потребни за преземање на претседателското место.
Трите гласа од Алјаска се Пирова победа за Трамп – нема да го променат резултатот од изборите на 3 ноември, пренесува Reuters.
Според проекцијата на CNN, Бајден освои 279 изборни гласови, а Трамп 217.
Во сојузната држава Џорџија, сите гласачки ливчиња повторно ќе бидат преброени, објави вчера државниот секретар на Џорџија, Бред Рафенспергер.
Тој рече дека сите гласови повторно ќе бидат преброени рачно, бидејќи разликите се многу мали, и дека пребројувањето ќе започне пред крајот на неделава, пренесува Reuters.
Победата во Џорџија носи 16 изборни гласови.
Останува да се избројат гласовите во Аризона и Северна Каролина, каде беа преброени 98 проценти од гласовите.
Засега, во Аризона, која носи 11 изборни гласови, Џо Бајден води со 49,4, наспроти Доналд Трамп, кој во моментов има 49 проценти од гласовите.
Во Северна Каролина, Трамп води со 50 проценти од гласовите, Бајден има 48,7, а победата во таа земја носи 15 изборни гласови.
Доналд Трамп објави видео на кое се гледаат мажи, кои не носат никаква униформа, како од поштенски сандачиња вадат писма наводно со гласачки ливчиња и ги пакуваат во црни вреќи.
„Ова што го гледате се гласачки ливчиња. Зарем на ова ни се сведе државата?“, напиша Трамп на Twitter.
Според досега пребројаните гласови на претседателските избори, Трамп загуби од демократскиот кандидат Џо Бајден.
Трамп не ги прифаќа изборните резултати и веќе поднесе жалби во неколку сојузни држави, па судот ќе донесе одлука за гласањето.
