Иако одамна не постои клуб кој сериозно ја разгледува можноста во својот тим да го доведе Бразилецот Нејмар, сепак ESPN дознава дека конечно се појавил тим кој сака да го доведе во своите редови.
Се работи, ако воопшто е изненадување, за Челси и нивниот нов сопственик Тод Боли.
ESPN дознава дека Тод Боли и претседателот на ПСЖ Насер ал Хелаифи имале тајна средба во Париз и дека разговарале за потенцијалниот трансфер на Нејмар во Лондон, но сепак не откриле како се ќе биде спроведено.
Нејмар долго време е на мета и на челниците на ПСЖ и на навивачите поради неговото многу непрофесионално однесување и односи надвор од теренот, а неодамна француските медиуми објавија дека последните проблеми што ги направи ќе му ја завршат кариерата во Париз и дека клубот ќе се ослободи од него по секоја цена за време на летниот преоден рок.
Сепак, постоеше голем сомнеж за ваквите наводи бидејќи никој не сака да го ангажира Нејмар со години во својот клуб, и поради финансиските барања и поради опасноста да ја расипе атмосферата во соблекувалната, но тоа очигледно не е проблем за Челси, клуб кој по доаѓањето на новиот сопственик носи и купува играчи „како на лента“.
Иако деталите од трансферот не се објавени, француските медиуми пишуваат дека Челси за услугите на Нејмар би можел да плати отштета од 60 милиони евра.
Во оваа сезона Нејмар одигра вкупно 28 натпревари на кои постигна 17 голови и забележа 16 асистенции што сепак покажува дека е во добра форма.
Нејмар во ПСЖ пристигна од Барселона во трансфер вреден 222 милиони евра, а потоа, потсетуваме, парите што ги доби од државата Катар за спонзорирање на СП 2022 ги искористи за да отиде во просториите на Барселона и со тие пари си го откупи договорот, односно стана слободен играч.