Многу луѓе не сакаат да имаат широк социјален круг, па затоа претежно негуваат пријателства со неколку блиски луѓе.
Луѓето родени во овие три хороскопски знаци, пак, веруваат дека колку повеќе пријатели имаат, толку подобро, па поради нивната отвореност и наклонетост кон друштвото, често можат да се пофалат со голем број пријатели. Тие сметаат дека пријателите се нивното најголемо богатство, па најдобро е да не се обидувате да застанете меѓу нив и нивните другари.
Лавовите се вистински друштвени сонца околу кои гравитираат сите во нивното опкружување. Поради нивната екстровертна природа, сакаат постојано да бидат опкружени со смеа, приказни и настани. Сепак, за нив има разлика помеѓу вистинските пријатели и познаници со кои излегуваат во ноќни клубови или на одредени настани, па не мора да се плашите дека ќе ве предадат или дека сте неважни за нив. Напротив, Лавовите се пожртвувани пријатели кои со широко срце ќе споделат сѐ што имаат со најдобрите пријатели.
За нив, друштвото е на прво место. Близнаците сакаат дружење и авантури со пријателите, бидејќи тоа ги релаксира и расположува, а поради нивната разноврсност, не им е тешко да се дружат со никого. Сепак, ако сте останале долго време покрај некој роден во овој хороскопски знак, знајте дека навистина ве сака и ве цени – во спротивно одамна ќе сте биле заменети со „поинтересен модел“. Кога Близнаците ќе ве изберат за свој близок пријател, сметајте дека сè што е нивно е и ваше – нема да ве остават на цедило, но исто така ќе бидат сурово директни ако правите погрешни чекори.
Вагите многу ги ценат нивните пријателства. Иако околу нив има широк круг на луѓе, тие се обидуваат да бидат во контакт со секого и секому да бидат при рака во случај на неволја. Во знакот Вага се раѓаат луѓе кои се толку лојални пријатели што можете да им верувате во сè и да побарате помош од нив за сè, без да очекуваат нешто за возврат.
