Поради пандемијата со коронавирусот, многумина работат од дома, а работното време често трае и подолго од вообичаеното. Поради тоа, многумина не се двојат од мобилните и од компјутерите, па живеат живот во кој нема јасни граници меѓу приватниот и професионалниот живот.
Долгорочно, ваквиот начин на живот може да доведе до низа здравствени проблеми, па меѓу останатото, потребно е да се ослободиме од дигиталниот умор.
Постојат три едноставни начини за тоа:
Откако ќе завршите со работата, научете да направите дигитална пауза од сите уреди. Фокусирајте се на нешто што уживате да го правите како читање книги, слушање музика, дружење со децата и слично.
Новите истражувања покажуваат дека мултитаскинг не е најдобриот начин за постигнување продуктивност, иако ви се чини дека сте професионалец ако вршите неколку работи истовремено, во реалноста не е така и вашата продуктивност опаѓа. Поради долгото работно време и постојаното користење повеќе уреди за вршење задачи, тешко се концентрирате.
Дури и се јавуваат проблеми во присетувањето на задачите што треба да бидат извршени во текот на денот.
Дигиталниот свет е модерен и многу работи може да се направат со допир на едно копче, но, реалниот, физичкиот свет нè поврзува и носи задоволство, чувство на припадност и поврзаност. Дури и во најгустиот распоред, треба да најдете време за одмор или размрдување. Дури и прошетка од 20 минути ќе ги опушти телото и умот. Исто така, не заборавајте да комуницирате со пријателите.