Земјотрес утрово повторно ја погоди Србија, а како што е наведено на веб-страницата на Сеизмолошкиот завод на Србија, се стресоа Крушевац и Крагуевац.
Најсилниот бил синоќа во Крагуевац, со јачина од 3,8 степени според Рихтеровата скала.
Земјотресот се случил во 19 часот и 25 минути, јавуваат српските медиуми.
Потресите продолжиле и во текот на ноќта, кога околу 2:30 часот земјотрес со јачина од 1,6 степени по Рихтер повторно го погоди Крагуевац, а нешто посилно беше погоден и Крушевац утрово околу 6:30 часот, со јачина од 1,7 степени на Рихтеровата скала.
Земјотрес имало и во Косовска Митровица во Косово што се случил во 2 и пол часот по полноќ, со јачина од 2,6 степени според Рихтеровата скала.
Надлежните ги советуваат граѓаните да не паничат, да не се обидуваат да побегнат, туку да се симнат на подот, да се засолнат и да ги заштитат главите.
„Доколку сте внатре во куќа за време на земјотрес, неопходно е да најдете засолниште на безбедни места, како што се рамки на вратите, носечки ѕидови, место под маса, цврст мебел. Треба да ги покриете лицето и главата со рацете и да се скриете во аголот на внатрешните ѕидови на собата. Треба да останете таму додека трае земјотресот“, се наведува во препораките.