Во неколку видеа и објави луѓето од целиот свет ги споделуваат своите искуства со таканаречениот Envelope Challenge и се импресионирани од сумата што ја заштедиле. Некои корисници на Facebook тврдат дека за само 6 месеци заштедиле повеќе од 5.000 евра.
Принципот е едноставен - земате 100 коверти и ги означувате со бројки од 1 до 100. Потоа во наредните 25 недели се избираат по два коверта неделно и во нив се става паричниот еквивалент на бројот означен на нив. Тоа значи дека ако го извлечете ковертот број 14, внатре ќе треба да ставите 14 евра. Ковертот со број 99 се полни со 99 евра и така со сите бројки по истиот принцип.
Се разбира, валутата во која сакате да штедите може да ја изберете самите. Доколку одберете да штедите во денари, тогаш најдобро е најмалиот број со кој ќе го означите првиот коверт да е 100, бидејќи нема никаква поента да штедите износи од 1, 2, 3... денари.
Ако сè функционираи не пропуштите ниту една недела, треба да заштедите вкупно 5.050 евра по 25 недели (доколку штедите во евра и со броеви од 1 до 100).
Предизвикот може да се приспособи по желба и според други параметри. Така, можете да го направите на подолг временски период или да пополнувате неколку коверта неделно. Многу корисници на Facebook јавно ги ги отвораа своите коверти на крајот на 2022 година.
„Дефинитивно ќе го направам ова повторно“, напипша на Facebook една задоволна жена. Вкупно за 200 дена заштедила над 10.000 долари. Во меѓувреме, еден пар кој го адаптирал предизвикот на 52 недели од годината напиша:
„Годинава направивме предизвик со коверти и денес решивме да ги отвориме! Одличен начин да заштедите пари за Божик!!!“.
Како изгледа сето тоа во пракса погледнете во следното видео:
