Британската полиција вчера уапси осум лица кои хакирале познати Американци со цел стекнување материјална корист.
Британската национална агенција за борба против криминал (NCA) соопшти дека жртви на хакерите биле спортски ѕвезди, музичари и членови на нивните семејства, а криминалците успеале да влезат во нивните телефони или онлајн профили.
Бандата на тој начин успеала да украде пари, биткоини и лични информации од познати личности и да ги хакира нивните профили на социјалните медиуми, соопшти NCA.
Во истрагата учествуваа и американската тајна служба и федералната полиција (ФБИ).
Осомничените биле уапсени на возраст од 18 до 26 години, а биле приведени во Англија и Шкотска.
„Мрежата била насочена кон голем број жртви во САД и секогаш бирала жртви за кои се претпоставува дека би биле профитабилни цели, како што се познати спортисти и музичари“, рече Пол Крефилд, шеф на операциите во одделот за компјутерски криминал на NCA.
„Знаеме дека украле големи суми пари од своите жртви, од нивните банкарски сметки или биткоини.“
Операцијата SIM-swapping се изведува со преземање контрола врз телефонот на жртвата, главно со деактивирање на СИМ-картичката на нејзиниот мобилен телефон, која потоа се пренесува на СИМ-картичката на член на бандата.
Криминалците потоа ги ресетираат лозинките на апликациите и добиваат пристап до контактите на жртвата, банкарските податоци, профилите за е-пошта и социјалните медиуми.