Петмесечната лавица пронајдена како лута на локалниот пат кај Суботица, угина по 15 дена борба во Зоолошката градина „Палиќ“.
На Facebook страницата на Зоолошката градина „Палиќ“ ја споделија тажната вест пишувајќи дека лавицата, која ја нарекоа Кики, повеќе не е меѓу нас.
„По 15 дена борба, таа ја загуби животната битка и покрај нашите максимални напори да ја вратиме. Кики почина на 6 октомври околу 21 часот“, велат тие.
Тие порачаа дека се надеваат дека нема да се повторат вакви случаи на злоупотреба на животни од несовесни „сопственици“, како што е нејзиниот.
„Случајот со лавицата Кики покажа, за жал, дека сѐ додека има луѓе кои купуваат диви животни за забава, без да ги проверат условите за чување и да знаат дека мора да имаат дозвола за чување, добиена исклучиво од Министерството за заштита на животната средина, во нашето прифатилиште ќе пристигнуваат птици со отсечени крилја спречени да избегаат, птици со клунови залепени за никој да не ги слушне, животни од разни видови кои се оставени без воздух во кутиите во кои се затворени, дури и како малата лавица“, додаваат тие.
Да потсетиме, случаен минувач ја пронајде лавицата како лута среде Чантавирскиот пат во Суботица, по што повикал полиција, која потоа ја однела во зоолошката градина.
Инаку, овој случај од Србија повторно го стави во фокус проблемот со шверцот со диви животни на Балканот.
