Портпаролот на замокот Арундел вели дека се украдени предмети од „непроценлива историска вредност“.
Во петокот вечерта, на 21 мај, бил украден вреден накит од замокот Арундел - комплет златни бројаници што ги носела кралицата Мери од Шкотска за време на погубувањето во 1587 година, како и златни и сребрени предмети во вредност од еден милион фунти.
Откако официјално станала кралица на само девет месеци, по смртта на нејзиниот татко Џејмс V, крал на Шкотска, нејзиниот живот бил исполнет со интриги.
Била омажена за францускиот крал Франсоа II и живеела во Франција до 1560 година. Кога Франсоа II починал, Марија се вратила во нејзината земја и ја презела власта.
Меѓутоа, по семејниот скандал и нејзиниот трет брак со Џејмс Хепберн, гроф од Ботвел, кој не бил поддржан од народот, таа била принудена да абдицира во корист на нејзиниот син Џејмс и да избега во Англија, каде што повторно ја чекале комплицирани семејни односи и борба за престолот. Мери имала поддршка од англиските католици за да седне на престолот, на кој и имала право, и поради тоа претставувала закана за нејзината братучетка Елизабета I.
Кралицата Елизабета I немала наследници, а Мери имала право на англиската круна - таа била католик (таткото на Елизабета, Хенри VIII, протестант, во неговиот тестамент им забранил на Стјуартите да ја наследат англиската круна) и поради таа причина таа ја затворала Мери по разни замоци во Централна Англија повеќе од осумнаесет години.
Мери била уапсена во 1586 година под сомнение дека учествувала во заговорот Бабингтон. Судот ја прогласил за виновна и ја осудил на смрт со обезглавување. Егзекуцијата била извршена во февруари 1587 година.
Артефактите се земени од замокот во петокот вечерта, објави BBC. Полицијата од Сасекс за BBC изјави дека крадците влегле низ прозорецот и искршиле стаклен плакар за да ги земат предметите.
Портпаролот на замокот Арундел вели дека се украдени предмети од „непроценлива историска вредност“.
„Украдените предмети имаат значителна парична вредност, но како единствени предмети од колекцијата на војводата од Норфолк, тие имаат неизмерно поголемо и непроценливо историско значење“, изјави портпаролот на замокот.