Поделено е мислењето во Украина по предлогот за преименување на гардот Запорожје како дел до т.н. деколонизација.
Градот Запорожје е под контрола на украинската армија, но е главен град на истоимениот регион што есеноска изгласа припојување кон Русија. Според украинскиот пратеник Максим Бужанскиј, идејата е лудост.
Бужанскиј алудираше на иницијативата на Националната комисија на Украина за државни јазични стандарди. Организацијата објави список од над 1.400 имиња на места, вклучително и Запорожје, кои препорачуваат да се сменат според законот „за забрана на пропаганда на руската империјална политика и деколонизација на топонимијата“.
Сите имиња на таа листа не одговараат на украинскиот јазик, или се „поврзани со руската империјална политика“, стои во објавата. Комисијата не елаборираше зошто Запорожје, кој е под контрола на Украина, завршил на списокот. Инаку, на украински градот се вика Запорижја.
Осврнувајќи се на градот, комисијата предложи властите „да го оправдаат задржувањето на сегашното име или да предложат ново име“ во рок од 6 месеци. Ако тоа не се случи, името на градот ќе го смени украинскиот парламент.
Иницијативата не предизвика широк ентузијазам кај украинските политичари, при што Бужанскиј го отфрли предлогот како „лудост“.
„Ни велат дека Запорожје е некаков руски империјален наратив. Ме зафркавате?“, рече тој, нарекувајќи го градот како „срцето на Украина“ и „лулка на Козаците“. Предупреди дека одлуките донесени „под маската на псевдопатриотизмот“ на крајот ќе им се вратат како бумеранг.
За време на Руското Царство градот се викал Александровск, а бил преименуван во Запорожје во 1921 година од страна на болшевиците. Имаето всушност значи „зад речните брзаци“, и алудира на местоположбата на градот низводно од брзцавите на реката Днепар. Брзаците ги нема од 1932 година, од кога на нивно место е хидроелектраната „Днипро“.
Кампањата на Украина да ги прекине сите историски врски со Русија започна уште во 2015 година, кога Киев го донесе сега озлогласениот закон за декомунизација. Додека на хартија, законодавството ги таргетираше само знаменитостите и имињата на местата поврзани со СССР, во пракса тоа се однесуваше и на сѐ што е поврзано со Русија.
Запорожје е најголемиот град во истоимениот регион кој, заедно со три други поранешни украински територии, со големо мнозинство гласаше за приклучување кон Русија на јавните референдуми минатата есен. Киев не ги призна гласовите, опишувајќи ги како „измама“.