Илон Маск, сопственик на комерцијалната интернет мрежа Starlink, ја активираше истата во Украина откако му се обрати висок украински политичар. Ваквата одлука на најбогатиот човек во светот многу ќе им значи на Украинците.
Тоа го направи откако заменикот на украинскиот премиер, Михајло Федоров, преку Twitter побара да го стори тоа.
„Додека ти се обидуваш да го колонизираш Марс, Русија се обидува да ја окупира Украина. Додека твоите ракети успешно се лансираат, руските ракети напаѓаат цивили во Украина. Бараме од тебе да ја направиш Украина достапна за Starlink станиците и да им се обратиш на разумните Руси да го запрат ова“, порача Федоров.
Маск му одговори дека Starlink отсега е достапен и во Украина. Starlink има илјада сателити во орбитата со што се овозможува услуги за целата планета.
Тоа значи дека нема потреба од оптички кабли за да им биде интернетот достапен на Украинците дури и кога Русија би ја уништила интернет структурата во Украина.
