Украинските сили користат мали борбени дронови за серија успешни мисии против руските сили кои ја нападнаа земјата минатата недела.
Станува збор за дронот The Punisher, кој е тешко забележлив поради неговата големина и кој може да помине големи растојанија и да создаде хаос зад руските линии.
Во време на модерно војување, не е ни чудо што беспилотните летала се користат во конфликти, но необичен е повикот на украинските сили до населението да донираат дронови. Јасно е дека армијата не користи рекреативни дронови за борба, но тие сепак служат како одлични мамки за борбените дронови на непријателот и оваа тактика досега се покажа како многу успешна.
Украинската армија, пак, ги користи дроновите The Punisher кои имаат пречник на крилата од околу 2,9 метри и летаат на височина од 396 метри. Овие беспилотни летала можат да поминат неколку часа во воздух, а нивниот лет е главно автоматски бидејќи за лет им се потребни само координатите на целта.
Кога полетува, на дронот The Punisher му треба придружниот дрон Spectre, кој врши извидувачки задачи и помага да се идентификуваат стационарни цели. The Punisher потоа може да нападне со фрлање на сите 2,7 килограми експлозив или да ја подели таа количина на три цели.
Овој борбен дрон досега има завршено повеќе од 60 успешни мисии, а неговата предност е што може да влезе длабоко во непријателски простор, односно речиси 50 километри. Беспилотното летало беше искористено за напад на руските линии за снабдување, уништување конвои со гориво и складирање на муниција и системи за електронско војување.
Интересно, The Punisher беше развиен од UA Dynamics, компанија основана од ветерани кои се бореа за време на руската анексија на Крим. Благодарение на дронот, Украинците можат да нападнат цели длабоко зад руските линии без да ги ризикуваат своите сили.
Покрај The Punisher, украинската војска користи и околу 20 турски беспилотни летала Bayraktar TB2, како и својот нов дрон Peascekeeper за сите терени, кој пред неколку месеци ги заврши фабричките тестови.
