Веб-страниците на низа украински владини институции беа цел на масовен сајбер напад, изјави Михајло Федоров, украински министер за дигитална трансформација.
Интернет страниците на украинскиот парламент, Министерството за надворешни работи и безбедносните служби се меѓу неколкуте служби погодени од хакерски напади, пишува BBC.
Министерот за дигитална трансформација, Федоров, напиша дека службите во неколку украински институции, меѓу кои и Министерството за здравство, се цела на напади.
Додаде дека нападнати се и неколку банки.
ДДОС напади или дистрибуирано скратување на услугите имаат за цел да ги оптоварат веб-страниците така што ќе ја преплават мрежата со лажен сообраќај и ќе спречат да комуницира на вообичаен начин.
Украинските власти претходно соопштија дека виделе на интернет предупредувања дека хакерите се подготвуваат да направат големи напади на владини агенции, банки и одбранбениот сектор.
