Извршниот директор на Борусија од Дортмунд, Ханс-Јоахим Вацке се осврна на гласините дека клубот би можел да го доведе Кристијано Роналдо.
Кристијано Роналдо по секоја цена и очајно бара излез од Манчестер Јунајтед, а неговиот агент Жорже Мендеш наводно ѝ го понудил на Борусија. Роналдо би го облекол жолто-црниот дрес бидејќи Борусија сезонава ќе игра во Лигата на шампионите, што е главната причина на Роналдо за напуштањето на Манчестер.
Вацке тврди дека нема контакт помеѓу Борусија и ѕвездата на Манчестер Јунајтед.
„Го сакам како играч. Тоа е секако интересна идеја, да се гледа Кристијано Роналдо како игра на 'Зигнал Идуна Парк'... Но, нема контакт меѓу инволвираните страни. Значи, отсега треба да престанете да зборувате за тоа“, изјави директорот на клубот од Дортмунд.
